Մոսկվայում ձերբակալել են ադրբեջանցի առանձնապես վտանգավոր հանցագործին

1117

Շաբաթ, 11 մարտի, 2023 թ., 18:24

Մոսկվայում ձերբակալել են ադրբեջանցի առանձնապես վտանգավոր հանցագործին, ով հետախուզվում էր միանգամից մի քանի երկրներում. հայտնում են ռուսական Telegram ալիքները։

Ըստ աղբյուրի՝ 29-ամյա Ջաբբար Յուսիֆին անտեսել է ճանապարհային ոստիկանության աշխատակցի պահանջը՝ կանգ առնել Մոսկվայի օղակաձև ճանապարհին՝ մեքենան ստուգելու համար։ Դրանից հետո ոստիկանները սկսել են հետապնդել նրան։ Հանցագործը մեքենան թողել է Ռեուտովի բնակելի բակերից մեկում և փորձել փախչել։ Իրավապահները նախազգուշական կրակ են բացել՝ տղամարդուն ստիպելով կանգնել, որից հետո նրան բերման են ենթարկել։

Ոստիկանները հանցագործի մոտ ատրճանակ են հայտնաբերել։ Պարզվել է, որ վերջինը գտնվում է Ինտերպոլի տվյալների բազայում՝ Ուկրաինայի քաղաքացու կանխամտածված սպանության համար։ Բացի այդ, նա գտնվում է ռուսական բազայում՝ ապօրինի զենք պահելու համար։