Բախմուտի շրջանում ՌԴ-ն մեկ օրում տվել է 603 զոհ և վիրավոր. Ուկրաինայի ԶՈՒ

764

Չորեքշաբթի, 22 մարտի, 2023 թ., 00:48

Անցած 24 ժամվա ընթացքում Բախմուտի շրջանում ռուսները տվել են 603 զոհ և վիրավոր, ամենաշատ հարձակումները գրանցվել են այս ուղղությամբ։ Այս մասին Ազգային հեռուստամարաթոնի եթերում հայտարարել է Ուժերի Արևելյան խմբի խոսնակ Սերգեյ Չերևատին։
Նրա խոսքով՝ Բախմուտը շարունակում է մնալ Դոնբասի ճակատի գլխավոր էպիկենտրոնը, այնտեղ ռեկորդային թվով հարձակումներ են գրանցվել։
Նա նշել է, որ օրվա ընթացքում Բախմուտի շրջանում տեղի է ունեցել 178 հարձակում, 26 բախում. ռուսները տվել են 278 զոհ և 325 վիրավոր։ Չերևատին նաև հայտնել է, որ Լիման-Կուպյանսկ հատվածը գրանցել է հրետանու ամենամեծ քանակությունը՝ օրական 300-400։ Հակառակորդը մեկ օրում կորցրել է 57 զոհ և 107 վիրավոր.

«Այնտեղ հակառակորդը ավելի շատ զրահատեխնիկա է օգտագործում, մեկ օրում ոչնչացրել է հետևակի մարտական մեքենան, «Վասիլեկ» ականանետը, «Ստրիժ» էլեկտրոնային կայան»,- ասել է Ուկրաինայի Զինված ուժերի խոսնակը։

«Նրանք սկսել են ավելի հաճախ օգտագործել «Լանսետ կամիկաձե» անօդաչու սարքերը, նախկինում դրանք այդքան շատ չէին, մեր զինվորները սովորում են հակազդել դրանց»,- եզրափակել է նա։

Ուկրաինայի զինված ուժերի 40-րդ բրիգադի հրետանին ուղիղ հարվածով ոչնչացրել է զինամթերքի պահեստ։