Երկուշաբթի, 20 մայիսի, 2024 թ.
|
Ստեփանակերտում`   +9 °C

«Շատ վտանգավոր գործընթացներ են գնում». Տաթևիկ Հայրապետյան

«Շատ վտանգավոր գործընթացներ են գնում». Տաթևիկ Հայրապետյան
283
Հինգշաբթի, 30 մարտի, 2023 թ., 10:06

Ադրբեջանի հարցերով փորձագետ Տաթևիկ Հայրապետյանի գրառումը. «Երեկ գիշերը «Тогарма» թելեգրամյան ալիքը հաղորդել է, որ Ադրբեջանի ԶՈՒ-ն մի քանի զինվորական ուրալներով փակել են Գորիս-Ստեփանակերտ ճանապարհը Հայաստանի հետ սահմանի մոտակայքում՝ Տեղ գյուղից ոչ հեռու գտնվող հատվածում: Դրանից հետո «Armenian military portal» թելեգրամյան ալիքը նշեց, որ եղել է պայմանավորվածություն ՌԴ-ի և ադրբեջանական կողմերի միջև առ այն, որ հայկական կողմը մինչև ապրիլի 1-ը կկառուցի Արցախը Հայաստանին կապող նոր ճանապարհը: Ըստ էության, ճանապարհը գրեթե պատրաստ է և Ադրբեջանը որոշել է նման քայլի գնալ:

Պաշտոնական որևէ մեկնաբանություն ՀՀ ՊՆ-ի կողմից չկա: Բայց ակնհայտ է, որ շատ վտանգավոր գործընթացներ են գնում: Ադրբեջանը օրեր առաջ ԼՂՀ ՊԲ-ի ու ռուս խաղաղապահների թերացումների արդյունքում վերահսկողություն սահմանեց այլընտրանքային ճանապարհի նկատմամբ, հիմա արդեն ՀՀ-ի կողմից է փորձում քայլեր ձեռնարկել: Հույս ունեմ ՊՆ-ն շուտով կպարզաբանի իրավիճակը: Ակնհայտ է, որ մեր անգործությունից ու ուշացած քայլերից Ադրբեջանը մաքսիամալ ձևով օգտվում է՝ վերջնականապես փորձելով կտրել Արցախ-Հայաստան կապը»: