«Հայ ժողովուրդն ունի արժեքների ճգնաժամ». Արմեն Աշոտյան

ՀՀԿ փոխնախագահ Արմեն Աշոտյանը տեսանյութ է տարածել ֆեյսբուքյան իր էջում՝ կից գրառմամբ. «Հայ ժողովուրդն ունի արժեքների ճգնաժամ։

Եթե ճգնաժամը լիներ քաղաքական, կա՛մ կհանգուցալուծվեր խորհրդարանական ընտրություններով, կա՛մ էլ ընդդիմությունը քաղաքական միջոցներով իշխանափոխություն կաներ։

Ջախջախվել են մեր ազգային և քաղաքական ինքնության հենասյուները՝ Արցախը, հայկական ավանդական արժեքները՝ եկեղեցի, ընտանիք, Ցեղասպանության վերապրածի ֆենոմենը, զոհերի հիշատակը։

Ադրբեջանի նախագահը մի շատ կեղտոտ, բայց ճշմարիտ հայտարարություն արեց, ասելով, թե ոչնչացրել է հայերի գաղափարական հիմքերը:

Շուշին՝ որպես գոյություն, մեր քաղաքական ինքնության մաս էր, այն այսօր մերը չէ»: