«Մհեր Սահակյանն ասաց՝ բայց խի՞ ես ձայն բարձրացնում, ասացի՝ փորձում եմ կանխել հնարավոր զարգացումները». Վլադիմիր Վարդանյան

«Նիստերից մեկի ժամանակ բովանդակային քննարկումն ավարտվելուց հետո մեր ընդդիմադիր գործընկերները վերադարձան հին օրերի երգին՝ դուք այսպես, դուք այնպես... ստեղծվեց մի իրավիճակ, երբ որ անհրաժեշտ էր միջոցներ ձեռնարկել՝ պարզապես այդ իրավիճակը հանդարտեցնելու համար: Այդ պահին պարոն Սահակյան ասաց՝ բայց խի՞ ես ձայն բարձրացնում, ասացի՝ չեմ բարձրացնում, փորձում եմ կանխել հնարավոր զարգացումները»,- Առաջին ալիքի եթերում՝ ներկայացնելով ԱԺ-ում տեղի ունեցած միջադեպը, ասաց ԱԺ ՔՊ խմբակցության անդամ, պետաիրավական հարցերի հանձնաժողովի նախագահ Վլադիմիր Վարդանյանը:

«Մհեր Սահակյանին հարվածելու իմ օգուտը ո՞րն էր, ի՞նչ էի շահելու, ինչո՞ւ պետք է ձեռքերս կեղտոտեի։ Պարոն Սահակյանը մոտեցավ ինձ, առանց որևէ բան ասելու հարվածեց ու լքեց նիստերի դահլիճը»,-ասաց Վարդանյանը: