Ուժեղ երկրաշարժ Պանամայի ափերի մոտ

Պանամայի արևմուտքում գտնվող Դեյվիդ քաղաքից 94 կիլոմետր հեռավորության վրա ուժեղ երկրաշարժ է գրանցվել:

Սեյսմոլոգների գնահատականներով՝ ստորգետնյա ցնցումների ուժգնությունը տատանվել է 6,6-ից 6,9 մագնիտուդով։ Տեղական լրատվամիջոցների փոխանցմամբ՝ երկրաշարժը զգացվել է ոչ միայն երկրի արևմուտքում, այլև մայրաքաղաքում։ Զոհերի, ավերածությունների կամ ցունամիի վտանգի մասին դեռ տեղեկություններ չկան։

ՏԱՍՍ-ի փոխանցմամբ՝ երկրաշարժի էպիկենտրոնը գտնվել է 10 կիլոմետր խորության վրա՝ Դեյվիդ քաղաքից 94 կիլոմետր հարավ, որտեղ ապրում է մոտ 82 հազար մարդ։ Տեղեկությունը ճշտվում է։