Իսրայելը հարվածներ է հասցնում Գազայի հատվածին

Իսրայելական ռազմաօդային ուժերը վաղ առավոտյան գրոհել են Գազայի հատվածը։ Այս մասին հայտնում է Reuters-ը:

Նրանք հարվածել են երկու ուսումնական ճամբարներին՝ մեկը Գազա քաղաքում, մյուսը՝ փախստականների ճամբարում:

Նշվում է, որ հրթիռակոծությունը տեղի է ունեցել Գազայի հատվածից Իսրայելի ուղղությամբ 9 հրթիռ արձակվելուց հետո, որոնցից մեկը հարվածել է Սդերոտ քաղաքի արդյունաբերական գոտում գտնվող գործարանին։

Ավելի վաղ Գազայի հատվածից մի քանի հրթիռ է արձակվել Իսրայելի ուղղությամբ. հայտնում է France-Presse-ը։

Հրթիռակոծությունը տեղի է ունեցել Երուսաղեմի Ալ-Աքսա մզկիթում պաղեստինցիների և ոստիկանության միջև բախումների ֆոնին: