Ադրբեջանում ձերբակալել են խմբի անդամների, որոնք ծրագրում էին ստեղծել կրոնական պետություն

Մի խումբ արմատականներ ծրագրել էին բռնի ուժով բռնազավթել Ադրբեջանը։ Նրանք պատրաստվում էին խռովություն անել և ստեղծել շարիաթի օրենքներով կառավարվող կրոնական պետություն։ Այս մասին հայտնում է Interfax-Azerbaijan-ը՝ հղում անելով երկրի գլխավոր դատախազության, ներքին գործերի նախարարության և պետական ​​անվտանգության ծառայության տվյալներին։ «Բացահայտվել է, որ Իրանում բնակվող և իրանական հատուկ ծառայությունների հետ համագործակցող Ռուֆուլլա Ախունդզադեն և Բախտիյար Բայրամովը համագործակցության են ներգրավել Թարթառի շրջանի բնակիչ Արիֆ Ջումշուդովին և նրան հանձնարարել ստեղծել «դիմադրության խումբ»՝ Ադրբեջանի տարածքում զինված անկարգություններ, իշխանության զավթում, երկրի սահմանադրական կարգի բռնի փոփոխում կազմակերպելու և շարիաթի օրենքներով կառավարվող կրոնական պետություն ստեղծելու համար», - ասված է Ադրբեջանի ներքին գործերի նախարարության, Պետական ​​անվտանգության ծառայության և Գլխավոր դատախազության համատեղ հաղորդագրության մեջ: