«Ձեր լկտի պահվածքով ներկայացնում եք Մարդու իրավունքների պաշտպանին». Արմենուհի Կյուրեղյան

«Ներկայացնում եք ՄԻՊ թեկնածուին, որի՝ ԱԺ հանձնաժողովում ներկայացման ժամանակ Ձեր պահվածքով շատ հեռու էիք էթիկայի կանոնները կիրառելուց, լկտի պահվածքով, մատ թափ տալով, լեզուն կտրելու սպառնալիք էիք ներկայացնում: Որպես ՔՊ-ի քարտուղար ու պատգամավոր, ինչպե՞ս եք գնահատում ձեր ու ձեր որոշ գործընկերների արարքը՝ այդ օրվա նիստում»,- դիմելով ՔՊ-ական Արթուր Հովհաննիսյանին՝ ասաց «Հայաստան» խմբակցության պատգամավոր Արմենուհի Կյուրեղյանը: «Հանձնաժողովի նիստում տեղի ունեցած ընդհանուր իրավիճակը պետք է շատ վատ բնորոշեմ. իրականում պետք է չտրվել սադրանքներին, էմոցիաներին, լինել հավասարակշիռ, բայց յուրաքանչյուր դրվագ չպետք է դիտարկել միայն նեղ պրիզմայով, այլ՝ թե ինչ է եղել դրանից առաջ... Ես ներկայացնում եմ հայ ժողովրդին և թույլ չեմ տալու, որ որևէ մեկը անվանարկի հայ ժողովրդին և 2018 թվականի հեղափոխությունը անվանի «ադրբեջանաթուրքական»»,- ասել է ՔՊ-ականը: