Կարևորը՝ ամեն ինչ այնքան խճճել, որ ոչ ոք հստակ պատկերացում չունենա, թե իրականում ինչ է կատարվում». Վրթանեսյան

«Ռազմինֆո» մասնագիտացված կայքի համակարգող Կարեն Վրթանեսյանը ֆեյսբուքյան իր էջում գրել է. «Լրագրողները օրվա ընթացքում հարցնում էին, թե ինչպես կմեկնաբանեմ ԳՇ պետի հայտարարած թիվը, թե թշնամին ՀՀ-ից քանի քառակուսի կմ է զավթել։
Մի քանի անգամ պատասխանեցի, որ նիկոլական իշխանության ներկայացուցիչների ոչ մեկի խոսքին հավատալու չէ, ըստ այդմ էլ անիմաստ է մեկնաբանելը։
Որոշ ժամանակ անց էլ ԱԳՆ-ն ուրիշ թիվ է հայտարարել։
Թվերը հատուկ չեմ գրում, որովհետև... որովհետև մե՛կ է, ո՛չ առաջին թվին հավատ կա, ո՛չ էլ մյուսին։
Կարևորը ամեն ինչ այնքան խճճելն է, որ վերջում ոչ ոք հստակ պատկերացում չունենա, թե իրականում ինչ է կատարվում։
Կողմնորոշվելու, իրավիճակը ճիշտ գնահատելու և դրանից բխող՝ դիմադրելու, մեխանիզմներն ըստ էության լրիվ ավիրում են։
Լրիվ այն մակաբույծ սնկի պատմությունն է, որ մտնում է մրջյունի գլխի մեջ ու մղում է միջատին ինքնասպան գործողությունների։ [Սա բնության մեջ գոյություն ունեցող երևույթ է, չափազանցություն չէ]»։