Շոյգուն հայտարարել է, որ ուկրաինական բանակը վերջին մեկ ամսվա ընթացքում կորցրել է ավելի քան 15 հազար մարդ

696

Երեքշաբթի, 02 մայիսի, 2023 թ., 19:12

Ուկրաինայի բանակն այս տարվա ապրիլին կորցրել է ավելի քան 15 հազար մարդ, հայտարարել է ՌԴ պաշտպանության նախարար Սերգեյ Շոյգուն։

«Չնայած արևմտյան երկրների աննախադեպ ռազմական օգնությանը, թշնամին զգալի կորուստներ է կրում: Միայն վերջին մեկ ամսվա ընթացքում նրանք կորցրել են ավելի քան 15000 մարդ»,- երեքշաբթի օրը կայացած կոնֆերանսի ժամանակ ասել է Շոյգուն:

ՌԴ պաշտպանության նախարարը նաև ասել է, որ ռուս զինվորականները հատուկ գործողության ընթացքում ոչնչացրել են «8 ինքնաթիռ, 277 անօդաչու թռչող սարք, 430 տանկ և այլ զրահատեխնիկա, 18 մարտական հրթիռային համալիր և 18 մարտական մեքենա, 225 դաշտային հրետանի և ականանետ»:

«Մենք շարունակում ենք վերացնել Արևմուտքի կողմից ուկրաինական զինված ուժերի կարիքների համար մատակարարվող զենքերը»,- ասել է Շոյգուն։