Երկուշաբթի, 20 ապրիլի, 2026 թ.
|
Ստեփանակերտում`   +10 °C

Սարսանգի ջրամբարը գրեթե դատարկ է. Արցախի ՏԿԵՆ

Սարսանգի ջրամբարը գրեթե դատարկ է. Արցախի ՏԿԵՆ
417
Երկուշաբթի, 08 մայիսի, 2023 թ., 18:30

Արցախի Հանրապետության տարածքային կառավարման և ենթակառուցվածքների նախարարությունն ահազանգում է՝ Սարսանգի ջրամբարը գրեթե դատարկ է։

«Ադրբեջանի կողմից Արցախը շրջափակման մեջ առնելու աղետալի վնասներից մեկն էլ էներգետիկ ճգնաժամն է, որը մեղմելու նպատակով Սարսանգի ջրամբարի վրա կառուցված ՀԷԿ֊ն աննախադեպ ռեժիմով է աշխատել, արդյունքում ՝ այսօր ջրամբարը գրեթե դատարկ է»,- նշված է նախարարության հաղորդագրությունում։

Արցախի Հանրապետության տարածքային կառավարման և ենթակառուցվածքների նախարարությունը նաև լուսանկարներ է հրապարակել։ Առաջին լուսանկարում Սարսանգի ջրամբարն է՝ մինչև Ադրբեջանի կողմից Արցախի շրջափակումը, իսկ երկրորդում ջրամբարի ներկայիս պատկերն է։

Սարսանգի ջրամբարը՝ մինչև Ադրբեջանի կողմից Արցախի շրջափակումը
Սարսանգի ջրամբարը՝ մինչև Ադրբեջանի կողմից Արցախի շրջափակումը
Ջրամբարի ներկայիս պատկերը
Ջրամբարի ներկայիս պատկերը

«Երեք ամսից ավելի է, ինչ Ադրբեջանը խոչընդոտում է Աղավնո-Բերձոր հատվածում Հայաստանից Արցախ մտնող միակ բարձրավոլտ գծի վթարը վերացնել: Էներգետիկ ճգնաժամը խորացնելու նպատակով Ադրբեջանը պարբերաբար Հայաստանից Արցախ մտնող գազատարի աշխատանքներն էր խափանում․ վերջին անջատումից արդեն անցել է 2 ամիս։ Սարսանգի ջրամբարի վրա կառուցված ՀԷԿ-ը էներգետիկ ճգնաճամը մեղմելու միակ տարբերակն էր, ձմռանը էլեկտրաէներգիա ստանալու համար աննախադեպ շատ ջուր է բաց թողնվել ջրամբարից»,- նշել են Արցախի ՏԿԵ նախարարությունից: