Նվաճված Հայաստանի նվերը՝ Լիոն քաղաքի թանգարանում

Ֆրանսիայի հնագույն քաղաքներից մեկի՝ Լիոնի պատմական հատվածում է գտնվում «Լուգդունում» հնագիտական թանգարանը, որը նվիրված է Լիոնի գալո-հռոմեական անցյալին։ Թանգարանի՝ մի քանի տասնյակ հազարին հասնող ցուցանմուշների մեջ հայ այցելուներին հատկապես կհետաքրքիր ցուցափեղկերից մեկում ցուցադրվող կավե խեցանոթի մի կտոր, որի վրա պարզորոշ ընթերցվում է «ARMENIA» անվանումը։ Ծանոթագրությունից իմանում ենք, որ այս խեցանոթը եղել է նվաճված Հայաստանի նվերը Մարկուս Ավրելիուս և Լուցիուս Վերուս կայսրերին՝ մ․թ․ 163 թվականին։
Պատմությունից հայտնի է, որ մ․թ․ 162-166 թվականներին հռոմեա-պարթևական պատերազմում Հռոմը հաղթել է պարթևներին, որից հետո 166 թվին կնքված պայմանագրով Հռոմեկան կայսրությանն է անցել Միջագետքի արևմտյան մասը, Հայաստանը ճանաչվել է անկախ, որտեղ, սակայն, թագավորելու էին Հռոմի կողմից նշանակված դրածոները, և Հայոց արքա է թագադրվել Տիգրան 5-րդ Սոհեմոսը։
Այդ ժամանակաշրջանում Հռոմի համատեղ գահակալներն էին Մարկուս Ավրելիուսը և Լիցիուս Վերուսը։ Հետաքրքիր է, որ Լիցիուս Վերուսը ստացել է նաև Արմենակուս անվանումը այն բանից հետո, երբ նվաճել է Հայաստանը։