Վիրջինիայում ավարտական երեկոյից հետո հրաձգություն է տեղի ունեցել. կան զոհեր և վիրավորներ

1147

Չորեքշաբթի, 07 հունիսի, 2023 թ., 13:42

Ռիչմոնդում (Վիրջինիա նահանգ), ավագ դպրոցում ավարտական արարողությունից հետո, հրաձգության հետևանքով երկու մարդ է զոհվել։ Այս մասին հայտնում են տեղական լրատվամիջոցները։

Քաղաքի ոստիկանապետի խոսքով՝ սպանվել է 18 և 36 տարեկան երկու տղամարդ։ Եվս հինգ մարդ վիրավորվել է։

19-ամյա կասկածյալը բերման է ենթարկվել: Ենթադրվում է, որ նա ճանաչում էր զոհերից մեկին։ Մեկ այլ կասկածյալ էլ բերման է ենթարկվել, սակայն ստուգումներից հետո ազատ է արձակվել։