Անձրևները հեղեղել են Անկարան

Անկարայում հորդառատ անձրևները ջրհեղեղ են առաջացրել. հայտնում են թուրքական լրատվամիջոցները։

Տեղումները սկսվել են այսօր կեսօրին: Հորդառատ անձրևի պատճառով ջրի տակ են անցել ճանապարհներ և մետրոյի կայարաններ։ Չանկայա շրջանում ևս սաստիկ ջրհեղեղ է կանխատեսվում. հայտնում է A-Haber-ը։

Փրկարարները մարդկանց դուրս են բերել ջրով արգելափակված մեքենաներից. Թուրքիայի մայրաքաղաքում անվտանգության նկատառումներով փակ են գետնանցումները։