«Հասանովը կարգադրել է «պատրաստ լինել՝ կանխելու սադրանքները»». Տ. Հայրապետյան

Ադրբեջանի հարցերով փորձագետ, ՀՀ ԱԺ նախկին պատգամավոր Տաթևիկ Հայրապետյանի ֆեյսբուքյան գրառումը. «Տեղի է ունեցել խորհրդակցություն Ադրբեջանի ՊՆ-ում, որի ժամանակ Հասանովը կարգադրել է «պատրաստ լինել կանխելու սադրանքները»:
«Հասանովը կարգադրել է, որպեսզի ադրբեջանական ստորաբաժանումները շարունակեն անհրաժեշտ հակաքայլեր ձեռնարկել՝ կանխելու Հայաստանի զինված ուժերի և հայկական անօրինական զինված կազմավորումների կողմից ադրբեջանական դիրքերի ինտենսիվ գնդակոծումը, ինչպես նաև Լեռնային Ղարաբաղի տնտեսական շրջանի տարածքում ապօրինի ռազմական փոխադրումների և ամրաշինական կառույցների տեղադրման փորձերը»:
Մինչ հակառակորդն իր գործողություններով ահազանգում է մեր պետության դեմ նոր ագրեսիաների գնալու իր քայլերի մասին, ՀՀ ղեկավարը ցանկանում է հանրությանը «համոզել», որ եթե Բագրատունյաց թագավորությունը խորհրդանշող առյուծին ու Մասիս սարը գերբից հանենք, «Խաղաղության դարաշրջան» կբացվի: Նա ընդամենը ստեղծում է հակապետական վտանգավոր դիսկուրսներ, իսկ մեր երկրի դեմ հասունանում են նոր սպառնալիքներ այդ ընթացքում...»: