Իրանում երկրաշարժ է գրանցվել

4,6 մագնիտուդ ուժգնությամբ երկրաշարժ է գրանցվել Իրանի հարավային հատվածում. հայտնում է Եվրոպական-միջերկրածովյան սեյսմոլոգիական կենտրոնը։

Ստորգետնյա ցնցումների էպիկենտրոնը գտնվել է Բանդար Աբբաս քաղաքից 84 կմ հյուսիս-արևմուտք (բնակչությունը շուրջ 352 հազար մարդ): Երկրաշարժի օջախի խորությունը կազմել է 40 կմ։

Զոհերի և ավերածությունների մասին դեռևս չի հաղորդվում։