Հրաձգություն ԱՄՆ-ում. կան զոհեր և վիրավորներ

Հրաձգությունը տեղի է ունեցել ԱՄՆ Մերիլենդ նահանգի Բալթիմոր քաղաքում։ Տեղեկություններ կան զոհերի և վիրավորների մասին։ Այս մասին հայտնում է «Եվրոնյուզ»-ը:

Երկու զոհ, 28 վիրավոր. ոստիկանությունը հայտնել է, որ 18-ամյա մի աղջիկ մահացել է դեպքի վայրում, իսկ 20-ամյա երիտասարդը՝ հիվանդանոց տեղափոխվելուց հետո:

Քաղաքի ոստիկանության վարչությունից հավելել են, որ վիրավորներից երեքի վիճակը ծանր է, ինինը՝ միջին ծանրության։ Բոլորը հոսպիտալացվել են հրազենային վնասվածքներով:

Ողբերգությունը տեղի է ունեցել «Բրուքլինի օրը» միջոցառման ժամանակ, որին հարյուրավոր մարդիկ են հավաքել։

Բալթիմորի ոստիկանության պաշտոնյան հայտնել է, որ կասկածյալների կամ միջադեպի հնարավոր դրդապատճառների մասին դեռ տեղեկություններ չկան։