«***» բառը բժշկական տերմին է». Վահե Գասպարյան

ԱԺԲ խորհրդի անդամ Վահե Գասպարյանը, անդրադառնալով Վարուժան Ավետիսյանի որդու ձերբակալությանը, հայտարարել է՝ Դավիթն ինչ ասել է, ճիշտ է ասել. «Դավաճան բառն իրենից ներկայացնում է ոչ թե վիրավորանք, այլ քաղաքական գնահատական, բնորոշում կամ որակավորում, ինչ վերաբերում է վիժվածք բառին, դա բժշկական տերմին է, նշանակում է՝ վիժելով դուրս եկած պտուղ»,- նշել է Գասպարյանը:

Հիշեցնենք՝ ինչպես հայտնել էր ԱԺԲ-ն, Դավիթ Վարուժանի Ավետիսյանը ձերբակալվել է խուլիգանություն կատարելու կասկածով. քննչական մարմինը «դավաճան» և «վիժվածք» արտահայտությունները որակել է որպես հայհոյանք՝ խուլիգանության դրսևորում, և Դավիթին զրկել ազատությունից։

Ավելի վաղ տեղեկացրել էինք, որ Դավիթ Ավետիսյանն «Անգլիական» այգու մոտ պատահաբար հանդիպելով Նիկոլ Փաշինյանին, վերջինին ասել է, որ պատասխան է տալու մեր նահատակված հերոսների համար: