«Պատերազմ բերել և բերում են իրենք». Արթուր Խաչատրյան

«Կեղծ, սուտ, մանիպուլատիվ, դեմագոգիկ հայտարարություններ են: Հիշեցնեմ, որ պատերազմը բռնկվեց իրենց իշխանության օրոք, երբ վիժեցրեցին բանակցային գործընթացը, Փաշինյանը 2 օրվա վարչապետ էր, ասում էր՝ էս ֆորմատն ինձ հարմար չի, 7-8 անգամ Ալիևի հետ է հանդիպել, ընդամենը մի անգամ՝ ՄԽ համանախագահության շրջանակներում: Իրենք են բանակը կազմաքանդել, թուլացրել արտաքին քաղաքականությունը»,- արձագանքելով ՔՊ-ական պատգամավոր Գևորգ Պապոյանի այսօրվա հայտարարությանը, ասել է «Հայաստան» խմբակցության պատգամավոր Արթուր Խաչատրյանը: «Վեր կենալ, ասել՝ դուք կբերեք պատերազմ, սուտ է. պատերազմ բերում են իրենք»,- հավելել է Խաչատրյանը:

Հիշեցնենք՝ ՔՊ-ական պատգամավորն ասել էր՝ «ՀայաՔվե»-ի նախագծի ընդունման դեպքում Ադրբեջանը պատերազմ է հայտարարելու ոչ միայն Արցախին, այլ նաև՝ ՀՀ-ին: