«Նպատակ չունեի որևէ մեկին նեղացնելու». Վարդան Օսկանյան

ՀՀ ԱԳ նախկին նախարար Վարդան Օսկանյանը ֆեյսբուքյան իր էջում տեսանյութ է տարածել՝ անդրադառնալով հայ-ադրբեջանական բանակցություններում բեկում մտցնելու՝ վերջերս արած իր առաջարկին: «Կրկնում եմ այն, վստահ եմ, որ դա հնարավոր է անել. պատրաստ եմ պատասխանատվություն վերցնել՝ գործն առաջ տանելու համար: Երբ ասացի, որ այդ ընթացքում պետք է իշխանությունները լռեն, նպատակ չունեի ինչ որ մեկին կամ մարդկանց նեղացնելու, վիրավորելու, ասել եմ՝ ելնելով վերջին տարիների դառը փորձից: Փաշինյանը դիվանագիտությունից հեռու մարդ է, սա փաստ է, ու էստեղ վիրավորելու հարց չկա»,- ասել է Օսկանյանը: