Մերձդնեստրի ընդդիմության առաջնորդին մահացած են գտել

Մերձդնեստրի կոմունիստական ​​կուսակցության առաջնորդ, «Մերձդնեստրի Գերագույն խորհրդի» նախկին պատգամավոր Օլեգ Խորժանի դին հայտնաբերել են Տիրասպոլի մոտ գտնվող Սուկլեյա գյուղի առանձնատանը՝ բռնի մահվան նշաններով։ Այս մասին հուլիսի 17-ին Telegram-ում հայտնել է Պրիդնեստրովյան Մոլդովական Հանրապետության ՆԳՆ մամուլի ծառայությունը։

Հաղորդվում է, որ քաղաքական գործչի դին բացված չհրկիզվող պահարանի հարևանությամբ գտնվող սենյակներից մեկում հայտնաբերել է Խորժանի կինը։ Չհրկիզվող պահարանը դատարկ է եղել։

Խորժանը 4,5 տարվա ազատազրկման էր դատապարտվել 2018 թվականին իշխանության ներկայացուցչի նկատմամբ բռնություն գործադրելու համար։ Զյուգանովը պաշտպանել էր Խորժանին և ասել, որ նա բանտարկվել է «միայն այն պատճառով, որ դեմ է եղել մաֆիային»։ Մինչ Խորժանը բանտում է եղել, Մերձդնեստրում անցկացվել են «նախագահական ընտրություններ, որոնցում հաղթել է ներկայիս ղեկավար Վադիմ Կրասնոսելսկին, ով պաշտպանում է Ռուսաստանի հետ մերձեցման կուրսը։ Խորժանը, ով նույնպես հանդես էր գալիս Կրեմլի հետ մերձեցման օգտին, կոչ էր արել չճանաչել ընտրությունների արդյունքները։ Նա կալանքից ազատվել էր 2022 թվականի վերջին և հայտարարել Հանրապետության խորհրդարանի հաջորդ ընտրություններին մասնակցելու մտադրության մասին։