Ինքնաթիռն ընկել է անգարի վրա. կան զոհեր

Լեհաստանի կենտրոնում Cessna ինքնաթիռն ընկել է անգարի վրա, որի մեջ մարդիկ են եղել: Զոհվել է 5 մարդ, մի քանիսը վիրավորվել են։ Այս մասին երկուշաբթի հայտնել են Լեհաստանի փրկարար ծառայությունները։
Ըստ լեհական մամուլի գործակալության, օդանավը, որն օգտագործվել է դեսանտայիններին օդ բարձրացնելու համար, բարդ եղանակային պայմաններում վայրէջքի ժամանակ բախվել է անգարին, որտեղ մարդիկ թաքնվել են եղանակից։

Փրկարարների տվյալներով, օդանավի օդաչուն և ևս 4 մարդ զոհվել են, 5-ը՝ վիրավորվել։ Ավելի վաղ հաղորդվում էր 10 վիրավորի մասին։

Ինքնաթիռում 3 օդաչու է եղել։