Իրաքում ցուցարարները ներխուժել են Շվեդիայի դեսպանատուն

Հարյուրավոր ցուցարարներ ներխուժել են Բաղդադում Շվեդիայի դեսպանատուն և հրկիզել այն. հայտնում է Reuters-ը՝ հղում անելով իր աղբյուրներին։
«Հինգշաբթի վաղ առավոտյան հարյուրավոր ցուցարարներ ներխուժել են Բաղդադում Շվեդիայի դեսպանատուն և այրել այն։ Գործակալության աղբյուրի փոխանցմամբ՝ դիվանագիտական ​​առաքելության աշխատակիցներից ոչ ոք չի տուժել։ Այս տեղեկությունը հետագայում հաստատել է Շվեդիայի ԱԳՆ-ն, որը տեղի ունեցածն անվանել է «Վիեննայի կոնվենցիայի լուրջ խախտում»»։

Միաժամանակ, Իրաքի ԱԳՆ-ն դատապարտել է հրկիզումը։ Գերատեսչությունն ընդգծել է, որ երկրի իշխանությունները հանձնարարել են «անվտանգության համապատասխան ծառայություններին շտապ հետաքննություն անցկացնել և ձեռնարկել բոլոր անհրաժեշտ միջոցները՝ դեպքի հանգամանքները պարզելու և մեղավորներին բացահայտելու համար»։
Ցույցը տեղի է ունեցել Ստոկհոլմում Ղուրանի սպասվող այրման նախօրեին։