«Եթե ՌԴ-ն որոշի դուրս գալ, նշանակում է՝ ԼՂ-ում այլևս վտանգ չկա». Փաշինյան

«Լեռնային Ղարաբաղում Ռուսաստանի Դաշնության խաղաղապահ զորախմբի տեղակայումն ունի նպատակ և դա արձանագրված է ՌԴ Դաշնային ժողովի համապատասխան որոշման մեջ, որտեղ ասվում է, որ խորհուրդը ՌԴ նախագահին թույլ է տալիս գործողել ԼՂ՝ այնտեղ բնակչության զանգվածաբար զոհվելը կանխարգելելու համար: Հիմա եթե ՌԴ-ն որոշի դուրս գալ, անկախ նրբություններից, դա նշանակում է Լեռնային Ղարաբաղում նման վտանգ այլևս չկա, որովհետև եթե ԼՂ-ում կա նման վտանգ, դժվար է պատկերացնել, թե ինչպես նման որոշում կկայացվի». այսօրվա ասուլիսի ժամանակ ասաց ՀՀ վարչապետ Նիկոլ Փաշինյանը՝ հավելելով. «Եթե չկա նման վտանգ, դա նշանակում է, որ Բաքու-Ստեփանակերտ երկխոսությունը միջազգային մեխանիզմի շրջանակներում գտնվել է արդյունավետ և կողմերը արձանագրում են, որ խաղաղապահ զորախմբի ներկայության անհրաժեշտություն այլևս չկա»: