Ուկրաինացիները հարձակվել են ռուսների դիրքերի վրա

Ուկրաինայի զինված ուժերի ավիացիան հուլիսի 29-ին 9 հարված է հասցրել ռուսների անձնակազմի, սպառազինության և ռազմական տեխնիկայի կենտրոնացման վայրերին։ Ուկրաինացիները ոչնչացրել են նաև 4 օպերատիվ-մարտավարական հետախուզական անօդաչու թռչող սարք։ Այս մասին ասվում է Ուկրաինայի Գլխավոր շտաբի առավոտյան ամփոփագրում։

Հաղորդագրության համաձայն՝ հրթիռային զորքերի և հրետանու կործանիչները կրակային դիրքում խոցել են մեկ հրետանային զինատեսակ, մեկ զինամթերքի պահեստ, մեկ էլեկտրոնային պատերազմի կայան, ինչպես նաև ռուսական անձնակազմի կենտրոնացման մեկ տարածք։

Միաժամանակ ռուսները երկու «Շահեդով» հարձակվել են Ուկրաինայի Դնեպրոպետրովսկի շրջանի վրա, նրանք խոցվել են. այս մասին հայտնել են Դնեպրոպետրովսկի շրջանային ռազմական վարչությունից։

Ըստ հաղորդագրության, ռուսները 8 հրթիռային և 33 օդային հարվածներ են հասցրել ուկրաինական զորքերի դիրքերին և 53 հրթիռային հարվածներ՝ բնակավայրերին: