Վրաստանում սողանք է տեղի ունեցել, կան զոհեր

1728

Հինգշաբթի, 03 օգոստոսի, 2023 թ., 23:24

Վրաստանի լեռնային Ռաչա շրջանի Շովի հանգստավայրի մոտակայքում սողանքային զանգվածի տակ երկու մարդու դի է հայտնաբերվել։ Այս մասին հայտնում է Վրաստանի ՆԳՆ մամուլի ծառայությունը։ Մահացածների ինքնությունը դեռ պարզված չէ։ Աղետի գոտում փրկարարական աշխատանքները շարունակվում են»,- ասված է հաղորդագրությունում։

Ավելի վաղ հաղորդվել էր Վրաստանի առողջարանային շրջանում սողանքի մասին։ Բնական աղետի հետևանքով մարդիկ արգելափակվել են լեռներում գտնվող հյուրանոցում։ Նախնական տվյալներով՝ խոսքը 16 հյուրի մասին է, որոնցից 6-ը՝ երեխաներ։

Նշվել է, որ դեպքի վայր են ուղարկվել փրկարարական խմբեր, տեխնիկա և երկու ուղղաթիռ։