Ղրիմի կամրջի մոտ ռուսական լցանավ է խոցվել

Կերչի նեղուցի տարածքում անօդաչու թռչող սարքի հարձակման հետևանքով խոցվել է ռուսական լցանավ, հաղորդում են ռուսական և ուկրաինական Telegram ալիքները։ Խոսքը Sig նավթատարի մասին է։

Հարվածից հետո լցանավի վրա պայթյուն է տեղի ունեցել, որը երևացել է թերակղզուց, գրում է Brief հեռուստաալիքը։

Իր հերթին, Krymsky Kanal-ը, հղում անելով «Ռոսմորրեխֆլոտ»-ին մոտ կանգնած աղբյուրին, գրում է, որ ծովային անօդաչու սարքը հարվածել է լցանավին Կերչի նեղուցից 30 մղոն հեռավորության վրա։
BBC News-ի Ուկրաինայի աղբյուրը պնդում է, որ ռուսական Sig լցանավի վրա այսօրվա հարձակումն Ուկրաինայի ազգային անվտանգության և ուկրաինական նավատորմի համատեղ հատուկ գործողությունն է։ Պաշտոնապես Կիևը դեռ չի ստանձնել կատարվածի պատասխանատվությունը։