Պակիստանում գնացքի վթարի զոհերի թիվն աճել է

Պակիստանում աճում է կիրակի օրը երկրի հարավում տեղի ունեցած երկաթուղային վթարի զոհերի թիվը:

Արդեն հաղորդվում է 30 զոհի մասին, նախկինում հայտնել էինք 15 զոհի մասին։

Վիրավորների թիվը նույնպես 40-ից հասել է 60-ի։ Նման տվյալներ է հաղորդում Associated Press-ը։

Միաժամանակ հաղորդվում է, որ զոհերի և վիրավորների թիվը կարող է աճել, այս մասին զգուշացրել են երկրի երկաթուղային ծառայությունները։

Կիրակի օրը հաղորդվել է, որ Կարաչիից Աբոտաբադ մեկնող ճեպընթաց գնացքը վթարի է ենթարկվել Սինդում՝ Նավաբշահ քաղաքի մոտ։ Թարմացված տվյալներով՝ ռելսերից դուրս է եկել 10 վագոն։

Պակիստանի երկաթուղիների նախարար Խավաջա Սաադ Ռաֆիկը հայտարարել է, որ վթարի պատճառ կարող էր լինել տեխնիկական անսարքությունը: Նա չի բացառել նաև դիվերսիաները:

Վթարի վայրում որոնողափրկարարական աշխատանքները շարունակվում են։