«Վրացական հանգստավայրը սողանքից ամբողջությամբ ավերվել է». Կալաձե

Վրաստանում սողանքի հետևանքով ամբողջությամբ ավերվել է Շովի հանգստավայրը, հայտնել է Թբիլիսիի քաղաքապետ Կախա Կալաձեն։

«Կարող ենք ուղղակիորեն ասել, որ Շովին այլևս գոյություն չունի, նա ամբողջովին ոչնչացված է»,- ասել է Կալաձեն։

Օգոստոսի 3-ին Շովիում խոշոր սողանք է տեղի ունեցել. 18 մարդ զոհվել է, ևս 16-ն անհետ կորել են։ Վնասվել են կամուրջներ, ճանապարհներ, զբոսաշրջային քոթեջներ և Sunset Shovi հյուրանոցը։ Նախնական տվյալներով՝ ավելի քան 5 մլն խմ հող է իջել սարերից։ Վրաստանում օգոստոսի 7-ը սգո օր է հայտարարվել: