Ավազե փոթորիկը Իրանում հարյուրավոր մարդու հոսպիտալացման պատճառ է դարձել

Առնվազն 733 մարդ տուժել է Իրանի հարավ-արևելքում գտնվող Սիստան և Բելուջիստան նահանգը պատած ավազե փոթորկի հետևանքով։ Այս մասին հաղորդում է Mehr գործակալությունը:

Նրա խոսքով, վերջին չորս օրվա ընթացքում Սիստանի և Բելուջիստանի հյուսիսում գտնվող բժշկական հաստատություններին է դիմել առնվազն 733 մարդ։ Նրանցից 58-ը դեռևս մասնագետների հսկողության տակ են։ Տուժածները շնչառության, ինչպես նաև սրտանոթային և տեսողական համակարգերի հետ կապված խնդիրներ ունեն, ասում են բժիշկները։

Ավելի վաղ, Fars գործակալությունը հայտնել էր, որ նահանգում քամու արագությունը հասել է 94 կմ/ժ-ի, իսկ հորիզոնական տեսանելիությունը՝ 3000 մետրի: Սիստան և Բելուջիստանի հինգ քաղաքներում փակ են բոլոր պետական ​​հաստատությունները։

Կանխատեսվում է, որ փոթորիկը Իրանի հարավ-արևելքում կշարունակվի մինչև չորեքշաբթի: