Ռուսական հրթիռային հարվածներ՝ Ուկրաինայում. վնասվել են բնակելի շենքեր

593

Երեքշաբթի, 15 օգոստոսի, 2023 թ., 10:42

Օգոստոսի 15-ի գիշերը պայթյուններ են որոտացել ուկրաինական Լվովում, Լուցկում և Խմելնիցկիում։ Լվովի քաղաքապետ Անդրեյ Սադովին հայտնել է, որ քաղաքը հարձակման է ենթարկվել ռուսական բանակի կողմից, հարվածներ են հասցվել բնակելի շենքերին, իսկ տներից մեկի վերին հարկում հրդեհ է բռնկվել։

Լվովի շրջանային վարչակազմի ղեկավար Մաքսիմ Կոզիցկին պատմել է, որ Պատոն և Կախովսկայա փողոցների բազմաբնակարան շենքերի վրա հրթիռների բեկորներ են ընկել, կան տուժածներ, զոհերի մասին տեղեկություններ չեն հաղորդվում։

Լվովում հրթիռը ավերել է մանկապարտեզ: Քաղաքապետի խոսքով՝ հրթիռային հարձակման արդյունքում վնասվել է ավելի քան հարյուր շինություն, կոտրվել է ավելի քան 500 ապակի։ «Չորս մարդ բուժօգնություն է ստանում, բարեբախտաբար, զոհեր չկան»,- գրել է նա։