«Դուք ընտրեք ձեր նախընտրած թեկնածուին, տեսնեմ՝ Ավինյանը ոնց է անցնելու»․ Նորիկյան

Այսօր՝ օգոստոսի 23-ին, մեկնարկել է Երևանի ավագանու ընտրությունների նախընտրական քարոզարշավը։ «Արդար Հայաստան» կուսակցության քաղաքապետի թեկնածու Նորայր Նորիկյանը ներկայացրել է կուսակցության քաղաքական պատկերացումներն ինչպես Երևանի ավագանու ընտրությունների, այնպես էլ Հայաստանի ապագայի վերաբերյալ․ «Երևանի ավագանու ընտրությունները վճռորոշ նշանակություն ունեն ոչ միայն Երևանի, այլև ՀՀ առաջիկա տարիների զարգացման համար։ ՀՀ-ում արմատական ու բեկումնային փոփոխությունների ժամկետը մոտենում է ու այն պետք է սկսել Երևանից։ Երևանում իրականացվում է սխալ ու ոչ արդյունավետ կառավարում․․․»,- ասել է նա։ «Պայքարելու ենք յուրաքանչյուր քվեի համար․ ոչինչ նախապես կանխորոշված չէ, ոչ ոք նախապես ընտրված չէ։ Որ պատուհանը բացում ես, որ դուռը բացում ես՝ Ավինյանը անցել, պրծել ա, անելիք չունեք, ո՛չ։ Սիրելի՛ բարեկամներ, դուք ընտրեք ձեր ընտրած թեկնածուին, տեսնեմ՝ Ավինյանը ոնց է անցնելու»,- հավելել է Նորիկյանը։