Մանկապարտեզից հիվանդանոց տեղափոխված 5 տարեկան տղան մահացել է

2358

Հինգշաբթի, 28 սեպտեմբերի, 2023 թ., 11:48

Երեկ՝ սեպտեմբերի 27-ին, ողբերգական դեպք է տեղի ունեցել Երևանում։ Ժամը 17։30-ի սահմաններում «Արմենիա» բժշկական կենտրոնից ՀՀ ՆԳՆ Ոստիկանության Մաշտոցի բաժին ահազանգ է ստացվել, որ Դավթաշեն վարչական շրջանից «կլինիկական մահ» ախտորոշմամբ իրենց մոտ է տեղափոխված երեխան վերակենդանացման բաժանմունքում հանկարծամահ է եղել։ Ինչպես հայտնում է ֆոտոլրագրող Գագիկ Շամշյանը, ոստիկաններն ու քննիչները պարզել են, որ մահացածը Երևանի բնակիչ 5-ամյա Սահակ Հ-ն, ով հիվանդանոց է տեղափոխվել Դավթաշեն վարչական շրջանի մանկապարտեզներից մեկից։ Դեպքի փաստով նախաձեռնվել է քրեական վարույթ։