Գազայի հատվածում մեկ օրում իսրայելական հարվածներից 13 գերի է սպանվել

1372

Ուրբաթ, 13 հոկտեմբերի, 2023 թ., 20:18

ՀԱՄԱՍ-ի ռազմական թևը՝ «Իզեդդին ալ-Քասամ բրիգադներ»-ը, հայտնել է, որ իսրայելական հարվածները Գազայի հատվածում 24 ժամվա ընթացքում սպանել են 13 մարդու, որոնց հոկտեմբերի 7-ի ներխուժման ժամանակ պաղեստինցի մարտիկները գերի էին տարել:

«Նրանցից 6-ը մահացել են Հյուսիսային նահանգում՝ 2 տարբեր վայրերում, իսկ 7-ը Գազայի նահանգում՝ 3 տարբեր վայրերում»,- ասվում է հաղորդագրության մեջ։

Նշվում է, որ մահացած գերիների թվում կան օտարերկրացիներ։