«Մտավախություն ունե՞ք, որ լայնամասշտաբ գործողությունները կարող են տեղափոխվել ՀՀ-ի տարածք». Wall Street Journal-ի թղթակիցը` Փաշինյանին

Ինչպես արդեն հայտնել ենք, այսօր ՀՀ վարչապետ Նիկոլ Փաշինյանը հարցազրույց է տվել Wall Street Journal-ին: Հարցազրուցավարի առաջին հարցը հետևյալն էր. «Վերջերս Լեռնային Ղարաբաղում մենք հախուռն իրադարձությունների ականատեսը եղանք: Մտավախություն ունե՞ք, որ լայնամասշտաբ գործողությունները կարող են տեղափոխվել ՀՀ-ի տարածք: Ըստ Ձեզ, ՀՀ-ի դաշնակիցներն ու գործընկերներն ինչ պիտի անեն դա կանխելու համար»:

Փաշինյանը նշեց, որ ինքը կկիսեր Լեռնային Ղարաբաղում տեղի ունեցած էթնիկ զտումների, ավելի քան 100 հազար նոր փախստականների ու ԼՂ-ի դեմ տեղի ունեցած ռազմական գործողությունների հարցը Հայաստանի նկատմամբ Ադրբեջանի հնարավոր ագրեսիայի վերաբերյալ հարցից: «Իհարկե, ես չեմ ասի, թե էդ հարցերի միջև փոխկապակցվածություններ չկան, բայց, այնուամենայնիվ, դրանք առանձին հարցեր են: Մենք հույս ունենք, որ առաջիկայում այն պայմանավորվածությունները, որ ձեռք են բերվել 2022-ի հոկտեմբերի 6-ին Պրահայի քառակողմ հանդիպման ժամանակ, 2023-ի մայիսի 14-ին Բրյուսելի եռակողմ հանդիպման ժամանակ և 2023-ի հուլիսի 15-ի Բրյուսելի եռակողմ հանդիպման ժամանակ կձևակերպվեն, կվերահաստատվեն ու կդառնան խաղաղության հիմքը»,- նշել է Փաշինյանը:

Առավել մանրամասն՝ տեսանյութում: