«Մեզ էիք ՕԵԿ ասո՞ւմ, ա՛յ անհայտ ծագման արարածներ». Անի Խաչատրյանը՝ Պեդրո Զարոկյանին

«Քրգործերից եք խոսում, ո՞ւր ա, ձեր շարքերում պետք ա նստած լիներ մեկը, ում բերածների վրա բազմաթիվ քրգործեր կան, տենց ձեռքներդ տնկել, խոսել ե՞ք: Չփորձե՛ք հաջորդ անգամ տենց ձեռքով խոսել, դուք մեր ձեռքերը դեռ չեք տեսել»,- Երևանի ավագանու արտահերթ նիստի ժամանակ քիչ առաջ ելույթ ունեցավ «Հանրապետություն» խմբակցությունից Անի Խաչատրյանը՝ խոսքն ուղղելով «Ազգային առաջընթաց»-ից Պեդրո Զարոկյանին: «Մեզ էի՞ք ՕԵԿ ասում, ա՛յ անհայտ ծագման արարածներ: Էդ պիտակներից առաջ ձեր կենսագրությունները նայեք»,- հավելեց Խաչատրյանը:

Հիշեցնենք՝ Զարոկյանն ավելի վաղ դիմելով փոխքաղաքապետի թեկնածու Փամբուխչյանին՝ ասել էր. «Ձեր կենսագրության մեջ 2004-2017 բաց է, ի՞նչ եք արել էդ տարիներին: 2018-ին ասացիք՝ հեղափոխություն եք անելու, ուզում եմ հասկանալ՝ իշխանափոխությո՞ւն էր, թե՞ հեղափոխություն, որովհետև ստեղ ունենք մարդ, որ քրգործով է անցնում, ունենք մարդ, որ փոխքաղաքապետի թեկնածու ա, հայտարարագրի մեջ ոչ մի բան չի գրել, հետո կարդում ես կենսագրությունը, 2023-ին ՍՊԸ-ի տնօրեն է եղել, նախկինում պետական մարմիններում է աշխատել... Նոր ՀՀԿ-ն ու ՕԵԿ-ն ե՞ք»: