Երկուշաբթի, 23 փետրվարի, 2026 թ.
|
Ստեփանակերտում`   +10 °C

«Օդ գործնականում հնարավոր չէ փակել». Հակոբ Բադալյան

«Օդ գործնականում հնարավոր չէ փակել». Հակոբ Բադալյան
306
Շաբաթ, 28 հոկտեմբերի, 2023 թ., 00:24

Քաղաքական մեկնաբան Հակոբ Բադալյանի ֆեյսբուքյան գրառումը. «Հետևում ես, թե հայկական համացանցում ինչ «թվեր» է «ինչքան ուզում խփում»՝ Ֆրանսիան փակում է Հայաստանի օդը «մտքի» արտացոլումը:
Այդ միտքը մասնագիտական ու քաղաքական տեսանկյունից «օդ» է, ուրիշ ոչինչ: Եվ այստեղ Ֆրանսիան բոլորովին «մեղավոր» չէ: Պարզապես 21-րդ դարի պատերազմներում քո օդը փակել՝ այն էլ միայն հարաբերականորեն, կարող ես փակել լոկ հակառակորդի օդը քո հարվածային ուժով ճնշելու միջոցով:
Ու այդ հանգամանքը՝ որ օդ գործնականում հնարավոր չէ փակել, ամենևին չի նվազեցնում Ֆրանսիայի հետ ռազմա-տեխնիկական գործարքի կարևորությունն ու նշանակությունը:
Բայց, խնդիրն այն է, որ հանրային ընկալումների աղավաղման լայնամասշտաբ գործընթացը նվազեցնում է Հայաստանի սուբյեկտայնության, հետևաբար ցանկացած կարևոր և նշանակալի գործընթացի համակարգային զարգացման հնարավորությունը:
Զուտ հանրային իմաստով, տեղեկատվական դարաշրջանը, իհարկե, ձևավորում է «վերնագրային հանրույթ»: Սա, իհարկե, տեղեկատվական դարաշրջանի դեֆեկտ է, ոչ թե էֆեկտ, բայց, այն է, ինչ կա:
Մեզ համար ամբողջ խնդիրն այն է, որ «վերնագրային» է ոչ միայն հանրային, այլ նաև քաղաքական մտածողությունը, և «թվային» է քաղաքական չափումների և պլանավորումների աստիճանը»:

Աղբյուրը`   Հակոբ Բադալյան