«Թե՞ վերջին օրերի բազարն ունեցվածքները հարմար գնով տեղավորելու մասին է եղել». Ստյոպա Սաֆարյան

Քաղաքագետ Ստյոպա Սաֆարյանը ֆեյսբուքյան իր էջում գրել է․ «Սեփական կաշին փրկելու համար որքան էլ հաղորդավարին հանձնված հարց-շարադրության մեջ նշվում է, թե Հայաստանը «լքել էր» Արցախին, որի վերաբերյալ մի ծպտուն չի հանում Երևանից միլիարդ ստացող ու Հայաստանի սահմանների ողջ սպառազինությունն ստացած Չնախակեն, քիչ անց խոստովանում է, որ 23-ժամյա պատերազմի կեսին հասկացել է, որ ռուսներն էլ են գցել Արցախին (Կառլ, նա դա հասկացել է, միայն սեպտեմբերի 19-ին, Արցախի ռուս-ադրբեջանական 9-ամսյա շրջափակման պայմաններում, երբ ռուսներն ադրբեջանցիների հետ համատեղ իրենցից պահանջում էին Լաչինի դիմաց Աղդամի բացմանը համաձայնել, Լավրովի պլան-2-ով անհատապես՝ քաղաքացի առ քաղաքացի ինտեգրվել Ադրբեջանին, նրանց հետ երկխոսել ոչ թե Սոֆիայում ու Բրատիսլավայում, այլ Եվլախում... ), դա էլ հասկացել էր, երբ վազելով գնացել է ռուս խաղաղապահների հրամանատարի մոտ, ով իրեն ասել է, որ ադրբեջանցիներն իրենց էլ տեղյակ են պահել հարձակման մասին (վայ, Մարիա Զախարովա-Պեսկով ջան, դուք երբ էիք մեռել, որ էսպես թաղեցին քեզ՝ հաստատելով, որ ձեր հետ ադրբեջանական հարձակումը համաձայնեցված էր ու վաղօրոք ծանուցված), ու ադրբեջանական ագրեսիան իրենք միայն դիտելու են....
Ու դա «հասկանալուց» հետո որոշում են (էքսնախագահների) հետ կապվել ադրբեջանական կողմին, գրավոր խնդրել պատերազմի կանգնեցման պահանջները, (ասում է՝ առաջին տարբերակի մասին չեմ ասի. ինչի չես ասի, թոֆի՞կ), հետո երկրորդ տարբերակ են ստանում, որի մասին վախից տեղեկացնում են Նիկոլ Փաշինյանին..․
Երբ Փաշինյանն անընդունելի է համարում տեքստում ՀՀ ԶՈւ հիշատակումը, խաբում են, թե ռուսներն են իրենց փոխանցել տեքստը (իսկ հիմա ասում է թուրքերը) ու Փաշինյանին հավաստիացնում են, թե չեն ստորագրի այն... Հեռախոսազրույցից 20 րոպե անց ֆեյսբուքյան էջում տեղադրում են կապիտուլյացիայի տեքստը, իսկ անակնկալի եկած Փաշինյանը հատուկ դրա համար արտակարգ լայվ է մտնում, որ հայտարարի սադրիչ ձևակերպման անընդունելի լինելու մասին...
Կապիտուլյացիոն տեքստում լուծարում է Արցախը, գալիս Երևանում Արցախի ներկայացուցչության աստիճանների վրա հայտարարում, թե ինքը թուղթ չի ստորագրել, հետո տեսախցիկի առջև նստում ու սկսում է հիմնավորել, թե ինչու է այն ստորագրել... Կատարյալ անմեղսունակ թոֆիկ..
Հետո էս անգամ էլ տեքստում ՀՀ զինված ուժերի հիշատակելու մասը ռուսների վրայից փախցնում․ գցում է Ալիևի վրա, թե նա է գրել ու ապա ասում է, թե ծանր տեխնիկան Հակարիի անցակետով չէր կարող բերել Հայաստան, դրա համար թողեց Ալիևին...
Բա եթե թղթի վրա Ալիևը գրել էր, որ դա Հայաստանինն է, ու դու էլ տակը ստորագրել էիր ռուսների հետ միասին, եթե 100 և ավելի միավոր տանկը, զրահատեխնիկան, արտիլերիան շարասյունով գային Հակարիի անցակետ, անցակետում չէին կարողանալո՞ւ անցնել, երբ թղթի վրա գրել եք, որ դա մերն է։ Անցակետի կողքի ռուս զինվորականներն էին կրակ բացելո՞ւ, թե՞ ադրբեջանցի մաքսավորները։ Լո՞ւրջ։
Թե՞ վերջին օրերի բազարն ունեցվածքները հարմար գնով տեղավորելու մասին է եղել (2020-ից հետո ՀԷԿ-երը տեղավորելու համին գնացած) որի դիմաց էլ Ալիևին մեծահոգաբար ու որպես «կանխավճար» թողնվել է միլիարդանոց սպառազինությունը։ Այն էլ Ալիևը դա էլ չգնահատեց....»։