Ղազախստանում հանքի փլուզման զոհերի թիվն աճել է

1236

Կիրակի, 29 հոկտեմբերի, 2023 թ., 18:48

Ղազախստանի արտակարգ իրավիճակների նախարարությունը հայտնել է, որ Կարագանդայի Կոստենկո հանքավայրում վթարի վայրում հայտնաբերվել է 45 հանքագործի դի։

«Մեկ հանքափորի որոնողական աշխատանքները շարունակվում են»,- ասվում է հաղորդագրության մեջ։

Շաբաթ գիշերը հանքահորում հրդեհ է բռնկվել, որից հետո՝ պայթյուն։ Ղազախստանում հոկտեմբերի 29-ը՝ կիրակի օրը, սգո օր է հայտարարված։