ՑԱԽԱԼ-ը ՀԱՄԱՍ-ի մի քանի հրամանատարների է ոչնչացրել

Իսրայելի պաշտպանության բանակը (ՑԱԽԱԼ) երկրի ռազմական հետախուզության վարչության աջակցությամբ ոչնչացրել է պաղեստինյան ՀԱՄԱՍ շարժման մի քանի հրամանատարների, որոնք հոկտեմբերի 7-ին հարձակում են կազմակերպել իսրայելական տարածքների վրա:

Նշվում է, որ ոչնչացված զինյալների թվում են վաշտի հրամանատար Ահմեդ Մուսան և դասակի հրամանատար Օմար Ալ Հինդին:

Բացի այդ, նոյեմբերի 10-ի գիշերը ՑԱԽԱԼ-ի զորքերը հարվածներ են հասցրել ՀԱՄԱՍ-ի 19 զինյալների ուղղությամբ, որոնք ծրագրում էին հարձակվել իսրայելական զորքերի վրա: