Լիբանանում ալյումինի ձուլարան է ոչնչացվել

Լիբանանում հրթիռային հարվածով ալյումինի ձուլարան է ոչնչացվել:

Ի պատասխան Լիբանանից հրթիռների արձակման՝ իսրայելական բանակը շաբաթ օրը՝ նոյեմբերի 18-ի առավոտյան, հարձակվել է Նաբաթիա շրջանում գտնվող ալյումինի գործարանի վրա։

Իսրայելական Details հրատարակությունը գրում է, որ սա առաջին հարձակումն է այս տարածքում 2006 թվականին Երկրորդ լիբանանյան պատերազմի ավարտից հետո։

Ըստ տեղեկությունների, Իսրայելում, բաց տարածքներում 25 հրթիռ է ընկել, զոհեր չկան։ Հարձակման պատասխանատվությունն ստանձնել է Հեզբոլլահը:

Ի պատասխան Իսրայելի պաշտպանության բանակը հարձակվել է Լիբանանում գտնվող Հեզբոլլահի թիրախների վրա: Այդ թվում է ալյումինի գործարանը, որը մինչ այդ հարձակումների թիրախում չէր եղել։

Միաժամանակ, Լիբանանի ազգային NNA լրատվական գործակալությունը հայտնում է, որ իսրայելական անօդաչու թռչող սարքը «երկու հրթիռ է արձակել ալյումինի գործարանի ուղղությամբ... ինչի արդյունքում այն ​​այրվել է իր ողջ տեխնիկայի հետ միասին»։