Թուրքիայում ավտոբուսի վթարի հետևանքով 11 մարդ է զոհվել

865

Հինգշաբթի, 28 դեկտեմբերի, 2023 թ., 10:06

Թուրքիայում ավտոբուսի վթարի հետևանքով 11 մարդ է զոհվել, ավելի քան 50-ը վիրավոր է, հաղորդում է TRT Haber-ը:

Ըստ հեռուստաալիքի՝ դեպքը տեղի է ունեցել Հյուսիսային Մարմարա մայրուղու Սաքարիա շրջանում՝ մառախուղի պատճառով: Վթարի մասնակից է դարձել տրանսպորտային 7 միջոց, այդ թվում՝ 3 ավտոբուս և բեռնատար:

Այս պահին վթարի վայրում աշխատում են արտակարգ ծառայությունները: Բոլոր տուժածները հոսպիտալացվել են: