Դանակահարել են Հարավային Կորեայի ընդդիմության առաջնորդին

Հարավային Կորեայի ընդդիմության առաջնորդ Լի Չժե Մյոնը հարձակման է ենթարկվել ու տեղափոխվել հիվանդանոց։ Միջադեպը տեղի է ունեցել հունվարի 2-ի առավոտյան՝ Բուսան քաղաքում: Քաղաքական գործիչն աշխատանքային շրջայց էր կատարում քաղաքում։ Երբ ուղևորվել է դեպի իր մեքենան՝ ճանապարհին զրուցելով լրագրողների հետ, նրան է մոտեցել մի տղամարդ և ինքնագիր խնդրել: Անվտանգության աշխատակիցները թույլ են տվել անհայտ անձին մոտենալ Լիին, որից հետո տղամարդը դանակով հարվածել է պարանոցին։ Քաղաքական գործչի մոտ արնահոսություն է սկսվել, նա ընկել է գետնին։ Հարձակվողն անմիջապես ձերբակալվել է անվտանգության աշխատակիցների կողմից և հանձնվել ոստիկանությանը։