«Ի՞նչ «խաղաղության պայմանագիր», նոր անեքսիա է սպասվում». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրել է. «ՀՀ գործող նիկոլյան իշխանության կրավորական, իրականում՝ վախկոտ համաձայնողականությունը, պետական շահերը պաշտպանելու փոխարեն, «տանք, որ փրկենք գոնե մի փշուրի վրա մեր իշխանությունը» դիրքորոշումը տարածաշրջանում հանգեցրեց մեծ աղետի. իլհամ ալիեւն արդեն վերածվել է մեր տարածաշրջանի սաադամ հուսեյնի, որն ինչ ուզում է, շտապում է իրականացնել բացառապես ուժով, բռունցքով, միջազգային օրենք, իրավունք, բանակցություն այլեւս առ ոչինչ են ազեր բռնապետի համար, ԱՄՆ-ի, Ֆրանսիայի առջեւ դռներ են շրխկ փակվում, ՌԴ-ն լուռ համաձայնողական դիրք է որդեգրել՝ հանկարծ ալիեւին չզայրացնի, Իրանը դիվանագիտական մեղմ հակադարձումներով, իսկ Հայաստանը՝ մազից կախված՝ ի՞նչ «խաղաղության պայմանագիր», նոր անեքսիա է սպասվում։ Սաադամների վախճանը բոլորին է հայտնի, բայց ՀՀ-ն ոտնատակ ջախջախվում է, մինչ վախճանը՝ ելնել-ուղղվելու կարող նոր համակարգի իշխանություն է պետք, գիտակցման եկած նոր պահանջատեր, հայրենասեր քաղաքացի»: