Կինը 4 ամիս խնամել է քրոջ դին` կարծելով, թե նա ծանր հիվանդ է

Ռոստովի մարզում ապրող կինը 4 ամիս խնամել է մահացած քրոջը՝ մտածելով, որ նա ողջ է։ Նա չի կարողացել հաշտվել սիրելիի կորստի հետ, գրում է KVU Shakhty-ն։

Մահացածը շենքի բակում դադարել է հայտնվել անցյալ տարվա հոկտեմբերից։ Քույրը հարևանների հարցերին ի պատասխան ասել է, որ նա հիվանդ է, և ինքը խնամում է։ Հունվարի կեսերին բնակարանում խողովակ է պայթել, հարևանն ու սանտեխնիկը մտել են ներս։ Նրանցից մեկը հարցրել է տանտիրուհու քրոջ առողջական վիճակի մասին։

Քույրը նշել է, որ նա այնքան հիվանդ է, որ չի կարող շարժվել, ինքն է նրան լողացնում, կերակրում: Տղամարդը մտել է սենյակ, որտեղ պառկած է եղել «հիվանդ կինը» և ցնցվել՝ տեսնելով կնոջ մումիֆիկացված դին անկողնու վրա։

Հարևանը դուրս է եկել բնակարանից ու ոստիկանություն կանչել։

Կնոջ մահն առանց բռնության է եղել, իսկ նրա քրոջը հոգեբուժարան են ուղարկել, նշում է աղբյուրը։