Ուրբաթ, 19 ապրիլի, 2024 թ.
|
Ստեփանակերտում`   +25 °C

Ագրարայինի ռեկտորն առաջարկել է իր աշխատավարձը 855 հազար դրամից դարձնել 1 մլն 275 հազար դրամ

Ագրարայինի ռեկտորն առաջարկել է իր աշխատավարձը 855 հազար դրամից դարձնել 1 մլն 275 հազար դրամ
1612
Ուրբաթ, 16 փետրվարի, 2024 թ., 11:30

Քաղաքական մեկնաբան Դերենիկ Մալխասյանի ֆեյսբուքյան գրառումը․ «Ուղղակի խոսքեր չկան...
Նոր կարդացի, որ Ագրարային համալսարանի ռեկտորի պարտականություննները կատարող՝ պրոռեկտոր Հրաչիկ Զաքոյանը առաջարկել է իր աշխատավարձը 2023 թվականի դեկտեմբերի 25-ից 855 հազար դրամից դարձնել 1 մլն 275 հազար դրամ:
Այս նույն անձանավորությունը մի քանի օր առաջ համալսարանի հոգաբարձուների խորհրդին առաջարկել է փակել՝ Շիրակի ակադեմիկոս Մ. Թումանյանի անվան 102-ամյա գյուղատնտեսական քոլեջը: Միլիոնից բարձր աշխատավարձի նկատմամբ հակում ունեցող սույն անձը իր առաջարկը պայմանավորել է այն հանգամանքով, որ քոլեջը չի կարողանում ապահովել ինքնաֆինասավորում և համալսարանը 2023թ. քոլեջին աջակցել է 17 միլիոն դրամով, ուստի առաջարկում է խորհրդին՝ դիմել ԿԳՄՍ նախարարությանը, հնարավորինս շտապ քոլեջի ծանր բեռից համալսարանին ազատելու միջնորդությամբ:
Ստացվում է, որ Զաքոյան Հրաչիկը ԿԳՄՍ-ին առաջարկում է 102 տարեկան ուսհաստատությունը փակել, որ համալսարանը կարողանա տանել ռեկտորի պարտականությունները կատարողի աշխատավարձի ծանր բեռը:
1922 թվականին այս շենքում սկսեց գործել այն հաստատությունը, որը ցանկանում են փակել 2024 թվականին»։

«1922-ին այս շենքում սկսեց գործել այն հաստատությունը, որը ցանկանում են փակել 2024-ին»․ Մալխասյան
«1922-ին այս շենքում սկսեց գործել այն հաստատությունը, որը ցանկանում են փակել 2024-ին»․ Մալխասյան