Մեկ օրում ավելի քան 70 մարդ է զոհվել Գազայում Իսրայելի հարվածի հետևանքով

1799

Երկուշաբթի, 19 փետրվարի, 2024 թ., 09:48

Երկուշաբթի գիշերն ավելի քան 70 պաղեստինցի է զոհվել Գազայի հատվածում՝ Իսրայելի պաշտպանության բանակի հարվածների հետևանքով: Այս մասին հայտնում է պաղեստինյան WAFA գործակալությունը:

Ըստ գործակալության տվյալների՝ ավելի քան 70 խաղաղ բնակիչ է սպանվել, հիմնականում՝ երեխաներ ու կանայք:

Հարվածի տակ են հայտնվել Զուվայդա և Դեյր էլ-Բալախ քաղաքներում գտնվող փախստականների ճամբարները:

Պաղեստինա-իսրայելական հակամարտության սրման սկզբից ի վեր սպանված քաղաքացիական անձանց ընդհանուր թիվը հասել է 28 985-ի: Առնվազն 68 883 մարդ վիրավոր է: