Ռուսաստանը հրթիռային հարված է հասցրել Կիևին․ կան վիրավորներ և ավերածություններ

758

Հինգշաբթի, 21 մարտի, 2024 թ., 10:36

Ռուսական հրթիռային հարվածի հետևանքով Կիևում 10 մարդ է տուժել: Նրանցից 2-ը հոսպիտալացվել է։ Այս մասին հայտնել է Կիևի քաղաքապետ Վիտալի Կլիչկոն։ Խոցված ռուսական հրթիռների բեկորներն ընկել են Կիևի մի քանի շրջաններում բնակելի տների, ձեռնարկությունների, մանկապարտեզի և ավտոմեքենաների վրա։ Շևչենկովսկի շրջանում, որտեղ բնակարան է հրդեհվել, բնակիչների տարհանում է ընթանում, նշել է Կլիչկոն։