Էնթոնի Բլինքենն անդրադարձել է բրյուսելյան եռակողմ հանդիպմանը

ԱՄՆ պետքարտուղար Էնթոնի Բլինքենը X-ի իր միկրոբլոգում անդրադարձել է Հայաստանի վարչապետ Նիկոլ Փաշինյանի և Եվրոպական հանձնաժողովի նախագահ Ուրսուլա Ֆոն դեր Լեյենի հետ հանդիպմանը, որը կայացել է Բրյուսելում։ «ԱՄՆ-ն շարունակում է հաստատակամ մնալ՝ օգնելու Հայաստանին ժողովրդավարության ամրապնդման և տարածաշրջանային ինտեգրման միջոցով տնտեսական բարգավաճման ու կայունության հասնելու հարցում: Հայաստանի և ԵՄ առաջնորդների հետ հանդիպմանը ես հայտարարել եմ այդ նպատակների համար ավելի քան 65 միլիոն դոլար հատկացնելու մեր հանձնառության մասին»,- գրել է Բլինքենը։

Հիշեցնենք՝ Բրյուսելում կայացած եռակողմ հանդիպման մեկնարկից առաջ Փաշինյանը հանդիպում էր ունեցել ԱՄՆ Միջազգային զարգացման գործակալության ղեկավար Սամանթա Փաուերի հետ։